Month: August 2015

NEGOSYO, NOW NA!: Export Business

Mga Kanegosyo, naitampok na natin dati ang kuwento ng Oryspa, isang kumpanyang gumagawa ng beauty at personal care products na pagmamay-ari ni Sherill Quintana.

Ang kuwento ng tagumpay niya ang isa sa ginawa nating halimbawa para magbigay inspirasyon. 

Kakaiba ang mga produkto ng Oryspa dahil pangunahing sangkap nito ay darak, isang produktong agrikultural na mula sa bigas. Madalas, ang darak ay pinapakain lang sa baboy.

Ngunit natuklasan niya na ang darak ay mayaman sa Vitamin E at A. Mayroon din itong oryzanol, na anti-oxidant na, anti-aging pa. Kaya ito ang ginamit na sangkap ng Oryspa sa kanilang meditation balm, solid perfume, massage oil, chili oil at sabon, na pawang all-natural at paraben-free.

***  

Mga Kanegosyo, nang maging panauhin natin siya sa programang “Status Update,” nagkaroon kami ng mas malalim na talakayan ukol sa susi ng tagumpay ng kanyang negosyo.

Ayon kanya, nagsi­mula siya sa toll manufacturing, o paggawa ng produktong pang-export na walang sariling pangalan para sa mga dayuhang kumpanya. Ang mahirap dito, walang sariling pagkakakilanlan.

Masaya na sana sila sa ganoong sistema, ngunit nang lumipat ang dayuhang kumpanya ng supplier sa China dahil mas mura ang pasuweldo ng tao roon, nagdesisyon silang buuin ang pangalang Orypsa.

*** 

Ayon sa kanyang kuwento, napukaw ang interes niya noon sa exporting nang mapasama siya sa isang international exhibit ng Department of Trade and Industry (DTI) kung saan nakilala niya ang maraming international buyer.

Sa nasabing expo, siya mismo ang nagtanghal ng kanyang mga produkto sa mga dayuhang buyer.  Kung tatahi-tahimik lang siya ay wala raw siyang mabebenta sa ibang bansa.

Kaya mula noon, mga Kanegosyo, binago na niya ang kanyang pana­naw sa pagnenegosyo. Pinaganda niyang mabuti ang kanyang kalidad at packaging upang maakit ang mga dayuhang mamimili.

Maganda raw ang mag-export ng produktong Pilipino dahil malaki man ang gastos, malaki rin ang kita. Dahil angkin ang pangalan o brand ng produkto, lahat ng kita ay mapupunta sa negosyo kumpara sa kung mag-susupply lamang para sa ibang kumpanya.

*** 

Nagbigay siya ng ilang mga payo sa mga negosyanteng nais mag-export.

Una, kailangan ng maayos na sistema ng shipping o pagpapadala ng produkto sa iba’t ibang bansa. Maaaring humingi ng tulong sa PhilExport o di kaya’y kumuha ng serbisyo ng isang shipping company.

Mahalaga ang pagkakaroon ng maaasahang shipping company dahi sinusunod ng karamihan sa mga dayuhang kumpanya ang mga deadline. May karampatang multa kung hindi makasunod dito na malaking kabawasan din sa kikitain.

Pagdating naman sa pagpepresyo ng ating mga produkto, busisiing mabuti ang lahat ng gastos – sa shipping, sa mga buwis at kung anu-ano pang gastos para maayos ang tamang presyo ng produkto sa ibang bansa.

Higit sa lahat, huwag daw matakot na isabak ang ating mga produkto sa ibang bansa dahil kayang kaya na­ting makipagsabayan sa ibang negosyo sa buong mundo. Lakas ng loob ang kailangang idagdag para lalong mapagtagumpayan ang ating negosyo!

 

First Published on Abante Online

 

 

Bida Ka!: Protektahan ang mga Balikbayan Box

Mga Bida, nanggagalaiti sa galit ang milyun-milyong overseas Filipino workers (OFWs) sa bagong patakaran ng Bureau of Customs (BOC) na buwisan at inspeksyunin ang balikbayan box na ipinapadala nila sa mga mahal sa buhay sa Pilipinas.

Sa social media sites, kanya-kanyang pahayag ng galit ang ating mga kababayan sa ibang bansa, hindi lang sa planong pagbubuwis kundi pati sa ginagawang pagbulatlat sa ipinapadala nilang package.

Batay sa mga larawang naka-post sa Facebook, makikita ang umano’y pagkalkal sa iniinspeksyong balikbayan box.
Marami ring OFWs ang nagreklamo na nawala ang ibang laman ng kanilang balikbayan box.

Mga Bida, hindi natin masisi ang ating mga kababayan sa ibang bansa kung ganito ang kanilang nararamdaman sa bagong patakaran.

Marami sa kanila, ilang buwan o taon ang binubuno para mapuno ang isang balikbayan box. Todo ang kanilang pagtitipid para malagyan lang ng tsokolate, de-lata, kendi o ‘di kaya’y damit ang kahon para may maipadala sa mga mahal sa buhay sa Pilipinas.

Ang katwiran naman ng BOC ay may ilang tiwali na ginagamit ang balikbakan box para makapagpuslit ng mga mamahaling gamit nang hindi nagbabayad ng anumang buwis sa pamahalaan.

May iba ring nagpupuslit umano ng armas at droga sa balikbayan box kaya nagdoble sila ng paghihigpit sa inspeksyon.

Totoo man o hindi, hindi pa rin ito katanggap-tanggap sa ating OFWs dahil dagdag na buwis ang kaakibat ng planong inspeksiyong ito ng ahensiya.

***

Marami ang hindi nakakaalam na ang puno’t dulo ng problemang ito ay isang patakarang nakapaloob sa Tariff and Customs Code of the Philippines na huling binago noon pang 1957.

Ito ay ang tinatawag na de minimis, o ang pinakamaliit na ha­laga na puwedeng buwisan sa ipinapadalang balikbayan box o package ng ating mga kababayang OFW.

Sa ngayon, sampung piso lang ang de minimis sa bansa! Ito’y batay sa Tariff and Customs Code of the Philippines na huling i­namyendahan noon pang 1957.

Ito ang pinakamababang de minimis threshold sa ASEAN. Sa buong ASEAN, mga Bida, ang average de minimis ay nasa isandaang dolyar na.

Noong August 26, 2014, inihain natin ang Senate Bill No. 2373, na layong amyendahan ang Section 709 ng Tariff and Customs Code of the Philippines para itaas ang halaga ng de minimis patungong P10,000.

Sa paraang ito, mas mabilis at mas mura na ang pagpapadala ng balikbayan boxes at iba pang package ng OFWs, mga negos­yante at iba pang patungong Pilipinas.

Dahil mas mabilis na ang proseso, mas mabibigyang pansin ng BOC ang pagbabantay sa mga mahahalagang produkto para mapalakas ang koleksyon ng ahensiya.

***

Isa pa sa inirereklamo ng ating mga kababayan ay ang pagkasira o pagkawala ng laman ng ipinadala nilang balikbayan box matapos dumaan sa pag-inspeksyon ng Customs.

Hindi ito katanggap-tanggap, mga Bida. Hindi dapat pahirapan ang OFWs sa pamamagitan ng pagsusuri sa kanilang ipinadala na kadalasa’y nagreresulta sa pagkasira o ‘di kaya’y pagkawala ng mga produkto na kanilang binili para sa mahal sa buhay.

Sa ating palagay, ang dapat binibigyan ng atensiyon ng Customs ay ang malalaking smuggling sa bansa, tulad ng pagpupuslit ng agricultural products at mamahaling sasakyan.

Kaya kasabay ng pagtataas sa de minimis, dapat na ipagpatuloy ang pagsasamoderno ng sistema sa Customs upang mas ma­ging mabilis at maayos ang pag-iinspeksyon, bilang suporta sa mga pamilya ng OFWs.

Ngayong natuon na ang atensiyon ng buong bansa sa isyu ng balikbayan box, tiwala tayo na uusad na ang panukala na­ting itaas ang de minimis.

Gawin natin ito bilang nararapat na suporta sa ating OFWs na siyang matibay na haligi ng ating ekonomiya at mga bagong ba­yani ng ating panahon.

 

First Published on Abante Online

 

 

Bam to Port Stakeholders: Be Ready for ‘Ber’ Months

With “ber” months just days away, Senator Bam Aquino urged government and private stakeholders to work together to ensure that there will be no repeat of the congestion that hounded Port of Manila last year.

 “Now that we have learned our lesson from last year, we must not let our guard down. This early, we must ensure that congestion will not hamper port operation during the coming ‘ber’ months,” said Aquino, chairman of the Senate Committee on Trade, Commerce and Entrepreneurship.

Usually, Aquino said heavy volume of containers arrive from September to December, in time for the Christmas season.

“Sa ngayon, normal ang operasyon at maluwag pa ang ating mga pantalan.  Ngunit maaaring maulit ang port congestion sa inaasahang pagdagsa ng mga kargamento sa huling bahagi ng taon,” added Sen. Bam.

Early this year, Sen. Bam has initiated a probe on the congestion that occurred at the Port of Manila. After bringing government agencies and private stakeholders in one table, the problem has been ironed out after several months of investigation.

During the last hearing, stakeholders reported that the utilization rate at the Port of Manila is now between 70 to 80 percent. In addition, waiting time for trucks has improved while cargo ships can now load or unload cargoes in just mere hours, instead of days at the height of the congestion year.

Meanwhile, Sen. Bam expects the passage of the Foreign Ships Co-Loading Act or Republic Act 10688 to help decongest the country’s major ports. The law now allows foreign ships carrying imported cargoes and cargoes to be exported out of the country to dock in multiple ports.

“This will save time, costs and energy for our exporters and importers in sending their raw materials, and goods and products in and out of the country,” the senator added.

“By allowing foreign ships to go directly to other domestic ports around the country, it will lower production costs for our entrepreneurs, free up space in the Port of Manila, improve the import and export system of the country,” Sen. Bam said.

It will also turn the shipping industry into a more modern, more equipped and more competitive sector, enabling it to keep up with other ASEAN countries such as Singapore, Thailand and Indonesia.

Bam: Losses to Heavy Traffic to Reach P6B by 2030

If not fully addressed immediately, a senator warned that economic losses due to heavy traffic in Metro Manila could balloon to P6 billion a day from the current P2.4 billion by 2030.

For this reason, Sen. Bam Aquino has filed a resolution seeking to review the existing Roadmap for Transport Infrastructure Development to formulate effective strategies and solutions to address the negative economic impact of the worsening traffic conditions in Metro Manila.

“Commuters as well as private vehicle owner suffer the monstrous and extremely costly traffic every day in Metro Manila,” Sen. Bam stressed in his Senate Resolution No. 1532, citing a study conducted by the Japan International Cooperation Agency (JICA)

The study entitled, “Roadmap for Transport Infrastructure Development for Metro Manila and Surrounding Areas,” was conducted in coordination with the Department of Transportation and Communications (DOTC), Department of Public Works and Highways (DPWH), Metropolitan Manila Development Authority (MMDA), and other relevant agencies.

The roadmap was approved last Sept. 2, 2014 by the National Economic Development Authority (NEDA) Board.

According to the study’s preliminary analysis, Sen. Bam said the lower-income households will be the hardest hit when congestion worsens by 2030 as they will spend no less than 20 percent of their monthly household income for transport.

“Without intervention, traffic demand will likely increase by 13 percent in 2030, and transport cost will be 2.5 percent higher,” Sen. Bam said.

According to Sen. Bam, relevant government agencies and local government units must contribute to the crafting to an effective planning strategies and traffic management systems in order to improve traffic conditions in Metro Manila.

“The MMDA cannot solve the worsening traffic condition alone. The DPWH, Land Transportation Office (LTO) and Land Transportation Franchising and Regulating Board (LTFRB), and the private sector must also do their share in solving the dilemma,” said Sen. Bam.

Among the factors that contributed to the worsening traffic condition is the significant population increase in Metro Manila which now stands at 16.5 million.

“Maaantala ang ating kaunlaran kung ang araw-araw na biyahe ay ikalulugi ng ating mga mamamayan at ng buong bansa,” added Sen. Bam, a micro, small and medium enterprises’ welfare advocate.

Negosyo, Now Na!: Pagpapagalaw ng Pera

Mga Kanegosyo, sa ating karanasan bilang isang social entrepreneur, naging batid natin ang kahalagahan ng pagkakaroon ng kaalaman sa paghawak ng pera sa ikatatagumpay ng ating negosyo.

Noong nasa Hapinoy pa tayo, nakita natin na isa sa mga dahilan ng paglago ng mga nanay na may-ari ng sari-sari store ay ang pagkatuto nila ng tamang accounting ng kanilang mga gastos at kita at tamang pagpapa-ikot ng kanilang puhunan, kahit na napakaliit nito.

Napakahalaga ng pagtutok sa galaw ng ating pera sa pagnenegosyo at ito ang ating tinalakay kasama si Tess Dimaculangan, isang kilalang accountant at financial management mentor ng maliliit na negosyante.

*** 

Ayon sa kanya, sa karanasan niyang tumulong sa mga negosyante, mas madalas daw tinututukan ng mga negosyante ang sales at marketing at isinasantabi muna ang pagkakaroon ng malinaw na business plan, kabilang ang accounting.

Ang tingin ng iba sa business plan, tila napakakumplikadong gawin at kailangang maging graduate mula sa napakagandang paaralan.

Ngunit, ang payo niya, kayang kayang upuan ito at pagtiyagaan dahil nakasalalay dito ang paglago at ang kakayahang pinansiyal ng negosyo. Kaya, mga Kanegosyo, halina’t kumuha ng papel at lapis at upuan na natin ang pagbuo ng financial statement.

Magkano ba ang ating puhunan? Kanino manggagaling ito – mula sa naipon natin, sa mga magulang, o pautang ng kaibigan o sa micro financing?

Pagkatapos mailista at mabuo ang kapital, anu-anong mga gastos ang kailangan para mabuo ang negosyo – renta ng puwesto, pagawa ng eskaparate, kuryente at tubig, mga produktong ibebenta at iba pa.

Ika niya, huwag na huwag paghahaluin ang gastos sa bahay at sa negosyo. Maglaan lamang sa kikitain mula sa negosyo ang ipanggagastos sa bahay. Baka maubos ang kinikita ng pangkabuhayan at mawalan ng pampaikot ito.

*** 

Ang isa pang payo na ating nakuha ay kahit gaano kalaki o kaliit ang ating negosyo, mahalaga ang paglilista ng galaw ng ating pera araw-araw, ang inilalabas natin para sa mga gastos at ang mga pumapasok na kita.

Sa ganitong paraan, mapag-aaralan nating mabuti ang kilos ng ating negosyo, kung anong mga araw kung saan maglalabas ng malaking puhunan, kung anong panahon matumal ang benta at kung kailan kikita nang bonggang bongga.

Sa masusi at matiyagang pagbabantay ng galaw ng pera ng ating negosyo, matutuklasan natin ang malalakas na produkto, mabentang diskarte at mga panalong pakulo na ating ginagagawa.

Sa ganitong paraan, makikita natin ang dahan-dahang paglago ng ating negosyo.

*** 

Kapag kumita nang kaunti, huwag kaagad magdiwang at gastusin ang lahat ng kinita. Baka kaagad na bumili ng bagong cellphone o kaya’y magpakain sa baranggay.

Sabi nga raw ng matatanda, “matutong mamaluktot kapag maiksi ang kumot.”

Mga Kanegosyo, magtiyaga muna tayo sa kaunting ginhawa lalo na’t pinapalaki ang ating kita.  Kapag malaking malaki na ito at tuluyan nang lumago, tsaka tayo maging marangya na naaayon sa ating kaya.

Simulan ang tamang paghawak sa ating puhunan at masusing pagbabantay ng ating kita nang mapagtagum­payan natin ang buhay!

 

First Published on Abante Online

 

Bam on Balikbayan Boxes, Internet Infrastructure (Excerpts from Interview at Radyo Inquirer 990)

On Internet Infrastructure

 

Sen. Bam: Baka panahon na iyong gobyerno mismo ang maglatag ng fiber optic highway.

Ang modelo kasi sa ibang bansa, naglalatag ang gobyerno ng fiber tapos ang private sector nagre-rent sa gobyerno. Makukuha mo pa rin iyan, dahil gobyerno lang ang nag-upfront.

Habang dini-develop mo ang area, mas magiging viable iyan sa private sector, mas magre-rent sila, mas mababayaran ang infrastructure natin.

Sabi ko nga kay NEDA Secretary Balisacan, Secretary narito na ang NTC, DTI, DOST at private sector, puwede ba sa next hearing natin pag-usapan ang mga solusyon. Kasi ang previous hearings, puro about consumer complaint, na makuha ang tapat na binabayaran, kasi kahit po iyon, hindi nakukuha ng ating kababayan.

Ang next diyan, ano ang long-term solutions at ano ba ang pondong kailangan para dito. Pakiramdam ko kailangang pondohan iyan kasi nakasalalay diyan ang competitiveness ng ating bansa.

Iyong ekonomiya natin maganda ang takbo pero in a few years makita ng investors na mabagal ang Internet diyan, baka hindi pa maging tuluy-tuloy ang investments natin.

Tsaka iyong jobs natin nakasalalay sa Internet infrastructure kaya tuluy-tuloy ang pagtutok natin dito.

 

On the Balikbayan Box Issue

 

Q: Sa balikbayan box, napakainit na usapin po ito. Ano ang pakiramdam ninyo rito, ano ang posisyon niyo sa pag-open, by random, ng balikbayan boxes.

 

Sen. Bam: Matagal na akong nag-file ng bill na pagtataas ng de minimis. Ang de minimis po, kasi sa ating bansa, ten pesos lang. More than ten pesos lang, puwede nang i-tax. Napakaluma na ng probisyong iyan, hindi pa binabago.

Kahit mag-uwi po ako ng tsokolate mula sa ibang bansa, technically puwede na akong i-tax doon kasi hindi nila ina-update iyong ten pesos.

Nag-file na po ako a few months ago, na ang ten pesos gawing ten thousand pesos. Kaya kung less than P10,000, hindi na dapat iyan puwedeng i-tax. Of course, ang ginagawa ngayon wala na lang pumapansin.

 

Q: Iyong act ng pagbubukas mismo. Iyong random inspection?

 

Sen. Bam: Sa totoo lang, we have to check kung ano ang mga patakaran diyan. Kasi ang isyu naman ng BOC ay pagdating sa drugs at mga baril.

I also don’t know kung gaano kadalas nangyayari iyon. Gaano ba kadalas nakakapasok ang drugs at baril sa balikbayan box.

 

Q: Ang ginagawa nila, kaakibat daw ng tamang pagpapataw ng buwis. Tulad ng sinabi ninyo, the root cause here is that after ten pesos puwede ka nang buwisan. Ang solusyon niyo, kapag P10,000 exempted na, wala nang babayaran.

 

Sen. Bam: Matagal ko na pong na-file iyon, hindi na po iyan nahi-hear. I hope that it can pass into law, number one.

Number two, ang comment ng mga tao, ang dami-daming mga smuggling ng container bakit pati balikbayan box, binibigyan nila ng pansin.

Naiintindihan ko iyon kasi it’s not as if iyong smuggling sa ating bansa wala na, iyong malakihang smuggling. Noong isang linggo lang, maraming luxury car ang nahuli.

Baka rin nasa kung ano talaga ang focus. At the same time, suportahan po natin ang OFWs. Taasan po natin iyong de minimis. Iyon ang batas na gusto nating isulong.

 

Q: Hindi alam ng taumbayan na ang de minimis, hindi pa pala naamyendahan, at iyon ang ginagamit ng Bureau of Customs ngayon para magbayad ng mas matindi pa ang taumbayan.

 

Sen. Bam: I’m sure magkaka-hearing po na niyan. Isusulong po natin ang bill natin na  pagtaas ng de minimis, gawing P10,000, na kahit ibukas pa iyan, walang isyu, dahil karamihan ng nasa loob ng balikbayan box ay house items at personal items.

 

Bam Renews Call for Updated Fees for Balikbayan Boxes

Senator Bam Aquino renewed his call to update the current minimum fee threshold for balikbayan boxes, making it cheaper and hassle-free for 10 million overseas Filipino workers (OFWs) to send their packages to their loved ones in the Philippines. 

Sen. Bam, chairman of the Senate Committee on Trade, Commerce and Entrepreneurship, issued the pronouncement after OFWs expressed alarm over the Bureau of Customs’ plan to tax and randomly inspect balikbayan boxes as part of the agency’s anti-smuggling campaign.

Last Aug. 26, 2014, Sen. Bam filed Senate Bill No. 2373, seeking to update the current de minimis threshold, or the minimal volume of declaration of goods in the customs for consignments, balikbakan boxes and other low-value and low-risk packages.

“Now that the spotlight is focused on the issue, we call on fellow lawmakers to hasten the passage of the measure to make it cheaper and hassle-free for 10 million OFWs to send their packages to their loved ones in the Philippines,” Sen. Bam said. 

Currently, the Philippines has the lowest de minimis threshold in the ASEAN, at PhP10 or US$0.23. The ASEAN average threshold is at a hundred dollars.

In his bill, Sen. Bam wants the de minimis level to increase to a more realistic and relevant figure of P10,000 by amending Sec. 709 of the Tariff and Customs Code.

Through this, Aquino said balikbayan boxes and other packages of OFWs, entrepreneurs and other individuals will be processed by Customs faster with minimum fees.

“The extremely low Philippine threshold has not been changed since 1957 and is clearly antiquated. It needs to be updated to be reflective of current prices,” the senator said. 

The lawmaker explained that thresholds for customs declaration signify increased documentation and processes for shipments at entry points in the country.

“Increased documentation leads to larger turnover and delivery time of goods, and larger administration costs that would yield lower revenue impact for both businesses and government,” Sen. Bam said.

“While we understand that random inspection is part of our efforts to curb entry of illegal goods, we should not burden our honest and hardworking OFWs by subjecting their packages to searches that result in damages, pilferages, and loss of goods, which they purchased and sacrificed for their loved ones back home,” he added.

“In addition to this reform, let’s continue to modernize our Customs systems to make our inspections more transparent and efficient, and supportive to our OFW families,” Sen. Bam, who also presided over the port congestion hearings.

Furthermore, Sen. Bam stressed that it will enable the BOC to focus its efforts in looking out for high-value, high-risk and high-revenue goods for collection and enforcement.

7 Things to Do during Cuddle Weather (besides Cuddling)

Heto na naman po at nakapila na ang mga bagyo na papasok sa Pilipinas kaya uso na naman ang “cuddle weather!” Sugod sa ulan, lusong sa baha, tengga sa trapik, at tiis sa mahahabang pila ang drama ng karamihan sa panahon na ito pero imbes na mainis, pwedeng i-enjoy ang masarap mong tulog sa gabi mag-isa man o may katabi. Bukod diyan, narito ang mga puwede pang gawin maliban sa pag-cuddle.

By ListAvengers

 

  1. Mag-reminisce. Malamig ang hangin at tahimik ang paligid maliban na lang sa pagpatak ng ulan sa bubong ng bahay. Perfect na timing ito para magpaka-senti. Tumingin ng lumang photo album at magbasa ng nalimutan nang love letters. Puwede mo ring balikan ang sinulat mong New Year’s resolution, i-check kung nagagawa mo pa rin ba ang mga ito. Kung hindi na, at least na-remind ka na pwedeng bumawi pag tumila na ang ulan.

 reminicingintherain

  1. Magrelax. Medyo delikado ang lumabas tuwing umuulan o bumabagyo, kaya naman manatili na lamang sa bahay. Mag-chill sa kama at sofa at manuod ng mga pelikula at TV series. Mag-movie marathon-all-you-want hanggang sa mawala ang stress na matagal ng bumabagabag sa iyo. Kung hindi mo trip manuod, puwede rin namang bawiin ang mga nawala mong tulog. Ang importante, ma-relax ka.

watchingtv

  1. Maging bookworm.Alam mo bang nakakabagal ng brain-aging ang mental stimulation? Posible pa itong makapigil sa Alzheimer’s o Dementia pagtanda! Ngayong tag-ulan, ba’t ‘di magbasa ng libro o mga online articles. I-update ang sarili sa mga nangyayari sa bansa at sa buong mundo! Maraming benepisyo ang pagbabasa sa overall well-being ng tao. Bonus pa ang karagdagang talino!

rainy_books

  1. Magpalipas oras sa kusina. Sinigang, bulalo, kansi, champorado… Iilan lang ito sa mga masarap kainin kapag panahon ng pag-ulan! Ba’t hindi sanayin ang sarili na magluto at magpaturo ng mga family recipe sa iyong nanay o lola. Malay mo, may natural talent ka pala sa kusina. Kung wala, makontento ka na lang sa pagtikim ng mga luto nila.

bulalo

  1. Maglinis at mag-donate.Umuulan nang malakas sa labas. Mabagal ang Internet connection. Palabo-labo ang signal ng TV. Paano pa kaya kung mag-brownout? Galugarin mo na lang ang iyong kuwarto at bahay at mag-ayos ng gamit! Lahat ng hindi na napapansin, bakit hindi na lang i-donate? Siguradong maraming mga librong pambata, laruan, damit, sapatos, pati school supplies na hindi na napakikinabangan. Sayang, i-donate mo na lang!

messyroom

  1. Magplano.Since marami kang oras magmuni-muni, bakit hindi mag-isip ng maliit na negosyong puwedeng pagkakitaan. Uso ang bentahan ng mga raincoat, rain boots, payong, at iba pang waterproof na kagamitan. Maglista ng bucket list at matagal mo ng mga pinapangarap sa buhay. Bukod sa paglilista, iplano mo na rin kung paano magiging makakatotohanan ang mga pangarap na ito.

businessplan

  1. Tumulong sa paghahanda para sa mga delubyo.Lumevel up na tayo ngayon! Sa halip na maghintay ng trahedya, pinaghahandaan na natin ito. Dumarami na ang mga grupong involved sa disaster risk reduction at rehabilitation. Mag-umpisa sa social media at Twitter. I-follow at jumoin sa mga disaster resilience groups at i-share ang mga post. Puwede ka rin lumevel up at mag-volunteer, mag-training, at tumulong! Alalahanin lang din ang sariling kaligtasan bago pa man bumida sa rescue at relief operations!

rescueph

 

 

 

Kung mayroon kayong naiisip na lis7ahan at nais maging miyembro ng Listavengers, mag-e-mail sa team.bamaquino@senado.ph!

 

 

Bam Pushes for Work for Rural Poor

The heads or single adult members of poor families living in rural areas will be given temporary employment, once the bill filed by Sen. Bam Aquino is enacted into law.

“Considering that almost 80 percent of Filipinos living in poverty reside in our rural areas, we are in urgent need of measures to combat poverty and unemployment beyond our cities and urban hubs in the short term and long term,” Sen. Bam said of his Senate Bill No. 2903 or the Rural Employment Act of 2015.

 “As such, we need to take a look at our rural communities and provide opportunities to those along the countryside and within our islands, beginning with our less fortunate countrymen,” added the senator, who worked with poor communities before he ran for the Senate.

According to Sen. Bam, the bill, if passed, aims to provide heads or single adult members of poor families in rural areas fair wages for temporary unskilled work for a minimum of 45 days but not more than 90 days in every calendar year.

 It mandates the Department of Social Welfare and Development, in coordination with local government units, to hire unemployed Filipinos to maintain, build and rehabilitate shared, public facilities and livelihood assets within their communities.

This way, Sen. Bam said the bill addresses the issue of unemployment in rural areas and involves our less fortunate citizen in nation building at the same time. 

“Let us bring opportunities, wealth and capacity to the Philippine islands, especially in the countryside. Let every Filipino reap the fruits of our positive progress and development,” added the senator, a world-renowned social entrepreneur.

BIDA KA!: Buwan ng mga Bayani

Mga Bida, kilala ang Agosto bilang buwan ng mga bayani.

Sa panahong ito, ginugunita natin ang alaala ng mga bayani na nagbuwis ng buhay para makamit ang kalayaan na ating tinatamasa ngayon.

Sa buwan ding ito, sinasariwa natin ang alaala at mga nagawa ng tatlong tao na itinuturing nating mga bagong bayani dahil sa iniwan nilang tatak sa demokrasya at malinis na pamamahala.

Anim na taon na mula nang pumanaw ang aking tiyahin na si Corazon “Cory” Aquino noong Agosto a-uno, subalit hanggang ngayon, buhay na buhay pa rin ang kanyang alaala sa ating puso’t isipan.

Hindi natin makakamit ang demokrasya na tinatamasa ng kasalukuyang henerasyon kung wala si Tita Cory.

Nagsilbi siyang inspirasyon at lakas ng milyun-milyong Pilipino para tumayo at kalabanin ang diktadurya na namayani sa bansa ng mahigit dalawang dekada.

Kaya naman hanggang sa huling sandali niya sa ating piling, ipinamalas ng buong bansa ang mainit na pagmamahal sa itinutu­ring na ina ng demokrasya.

Inabot ng halos isang araw bago naihatid siya sa kanyang huling himlayan dahil napuno ang mga kalsada ng nagluluksang mga Pilipino.

Marami nga ang nagsasabi na sa inspirasyon niya nabuo ang ating kampanyang “matuwid na daan” para sa ating bayan.

***

Bukas naman, gugunitain natin ang ika-32 taon ng pagpaslang kay Tito Ninoy.

Ang kamatayan niya noong 1983 ang nagtulak sa mga Pilipino na lumabas at labanan ang diktadurya, maghanap ng pagbabago at kumawala sa kuko ng mapaniil na pamahalaan.

Kaya tatlong taon pagkatapos ng kanyang pagkamatay, nakamit ng mga Pilipino ang tunay na kalayaan sa People Power 1.

***

Noong nakaraang Agosto 17, sumakabilang buhay ang isa ko pa pong tiyuhin na si Butz Aquino. 

Naging malaki ang papel ni Tito Butz sa tagumpay ng People Power Revolution noong 1986. Noong una, wala siyang interes na pumasok sa pulitika ngunit nagbago ang kanyang pananaw kasunod ng pagpaslang sa kanyang kapatid na si Ninoy.

Isa siya sa mga nagtatag ng August Twenty-One Movement (ATOM) at Bansang Nagkakaisa sa Diwa at Layunin (BANDILA) at nanguna sa mga rally at martsa kontra sa diktadurya.

Nang pumutok ang EDSA Revolution, isa siya sa mga unang nanawagan sa taumbayan na magmartsa sa EDSA at suportahan ang mga sundalong nag-aklas laban sa diktadurya.

Tapos noong 1987 at 1992, nanalo siya bilang senador at nanungkulan hanggang 1995. Ilan sa mga iniakda niyang batas ay ang Magna Carta for Small Farmers, Seed Act at Cooperative Code of the Philippines, na siyang nagbigay buhay sa mga kooperatiba sa bansa.

Mga Bida, hanggang namatay siya ngayong taon, naging aktibo s’ya sa pagtulong sa mga kooperatiba sa ating bansa. Naniwala s’ya na sa pagtatag ng mga kooperatiba, mas makakamit ang kaunlaran para sa mga pinakanangangailangan.

***

Mga Bida, sa ngayon, hindi na kailangang magbuwis ng buhay para maituring o ‘di kaya’y matawag na bayani. Sa maliit na pamamaraan, kaya nating sumunod sa yapak nina Tito Ninoy, Tita Cory at Tito Butz.

Kailangan lang na tayo’y magtulungan at magkaisa upang isulong ang lalo pang pag-asenso ng bansa para sa lahat ng Pilipino. Maituturing ding kabayanihan ang pagtulong sa kapwa, kahit sa maliit na paraan, sa lahat ng panahon at pagkakataon.

Sa pamamagitan nito, mabibigyan ng kabuluhan ang pagbubuwis ng buhay ng ating mga bayani at maipagpapatuloy natin ang pag-unlad ng ating bayan!

 

First Published on Abante Online

 

 

Scroll to top