Listahan

7 Posibleng Focus Areas sa mga Huling Buwan ng Aquino Administration

Naghahanda na ang bayan sa 2016 na halalan ngunit may oras pa ang administrasyong Aquino na i-push ang pag-unlad ng Pilipinas. Ang kailangan lang ay fortitude at focus. Kaya ‘eto ang 7 na posibleng target areas para sa huling hirit ng Aquino Administration!

1. Pabutihin ang ating public transportation systems. Ramdam na ramdam ng mamamayan hindi lamang ng ng mga taga-Metro Manila, pati na rin sa mga kalapit na probinsya ang mga problema sa pampublikong transportasyon. Maliban sa buhol-buhol na trapik, lalo lang lumalala ang pila at siksikan sa MRT/LRT, jeep, bus, at FX. May oras pang ayusin ang mga ito para mabawasan ang stress ng Pinoy commuters!

mrt

2. Tutukan ang K to 12 implementation. Nalalapit na ang implementasyon ng senior high school sa bansa at may malaking potential ang K to 12 program na iangat ang kakayahan ng ating mga graduates. Hindi ito simpleng reporma kaya kinakailangang tutukan nang mabuti ang roll out nito. Open ang DepEd sa mga suggestions natin at maaari ring maging involved sa inyong local public school. (For concerns and suggestions, email action@deped.gov.ph or call 636-1663/633-1942.)

kto12

3. Patibayin ang ating agricultural sector. Isa sa sa mga sektor na nangangailangan ng tulong ay ang mga magsasakang Filipino. Dapat lang silang tulungan na maging efficient sa paggamit ng mga makabagong technology na makakapagpadami ng ani para matugunan ang demand ng merkado. Kailangang maisama ang mga magsasaka sa sustainable supply chain gaya na lamang ng mga Kalasag farmers na pangunahing supplier ng Jollibee ng sibuyas. Dahil sa programang ito, naging steady ang kanilang produksyon at umunlad ang kanilang mga buhay.

Dito makakatulong ang mga Negosyo Center na itinatayo sa Pilipinas. Makakakuha ng suporta ang mga negosyanteng Pinoy dito, magsasaka man, market vendor, tricycle business owner, o craftsmaker, para mapalago ang kanilang mga pangkabuhayan.

Kalasag Farmers

4. Siguraduhin na patas ang labanan sa pagnenegosyo. Sa era ng ASEAN economic integration, lalong dadami ang papasok na negosyante sa Pilipinas. Ang Philippine Competition Act ay naisabatas na upang siguraduhin na walang pang-aabuso ng dominant position at walang matatapakang micro, small, and medium enterprise (MSMEs). Ngayong mayroon na tayong rule book sa pagnenegosyo, challenge ang makahanap ng mga mahuhusay, matatalino, at tapat ang mapapabilang sa Philippine Competition Commission (PCC) para ma-enforce ang patakaran laban sa anti-competitive acts.

PhilippineCompetitionAct

5. Protektahan ang Filipino consumer. Sa pagdami ng mga negosyo at produkto sa merkado dala ng kumpetisyon, dadami ang puwedeng pagpilian ng ating consumers. Kalidad ang magiging labanan ng mga produktong bukod sa presyo. Subalit, mas exposed rin tayo sa sub-standard products at mga posibleng scams! Kailangang patuloy na bantayan ang karapatan ng mga consumers at i-revisit ang ating Consumer Protection policies.

consumerprotection

6. Tutukan ang pagpasa ng mga mahalagang panukala. May oras pa para maisabatas ang mga landmark bills na pending sa Kongreso. Ready na ang sambayanan na ibahin ang sistema ng pagpili ng mga mamumuno at magkakaraoon na ng pagkakataon ang mga bagong mukha at pangalan sa halalan sa tulong ng Anti-Dynasty Law at SK Reform Bill. Tuluyan na ring dapat isulong ang ilan pa sa mga mahahalagang batas gaya ng FOI bill at Basic Bangsomoro Law.

landmarkbillsof16thcongress

7. Siguraduhin na malinis at maayos ang nalalapit na Eleksyon. Sa final leg ng administrasyon, sana’y dumami pa ang mga Pilipinong makikilahok sa pagboto ng mga karapat dapat na lider ng ating bansa. Kakabit nito ay ang mas maayos na proseso ng pagreregister at ang actual na pagboto sa 2016. Huwag hayaan na mamuno ang mga may pansariling intensyon lamang. Maging bukas ang isip at maging masuri sa lahat ng kakandidato.

Huling hirit na natin ito at marami pa tayong mababago upang sundan ang ‘daang matuwid’! Ilitaw ang diwa ng bayanihan at makiisa sa pagkilos tungo sa pagbabago!

ballotsecrecyfolder

Ano sa tingin ninyo ang kailangang bigyang pansin ng administrasyong Aquino sa mga huling oras nito? Sama-sama nating isulong ang pag-unlad ng Pilipinas! Share ninyo naman ang mga ideya ninyo sa team.bamaquino@senado.ph!

7 Tips sa Magaling na Pagdo-DOTA

Kung libangan mo ang paglalaro ng DOTA, huwag maging pabigat sa iyong team. Huwag ka lang basta maglaro, be at your best din. Strive for excellence! Narito ang ilan sa mga tips mula sa award-winning Team Rave para hindi ka na matatawag na noob!

By ListAvengers and TeamRave

 

1. Know your Role. Sa ilang oras mong paglalaro ng DOTA kasama ng barkada, siguradong na-figure out mo na kung saan ka magaling at kung saan ka medyo tagilid. Ok naman ang pagfocus sa kagalingan pero huwag kalimutan na ang DOTA ay isang team sport. Pag oras na para umatake o dumipensa na magkakasama, mag-volt in at tulungan ang mga kalaro!

playingdotaPH

2. Ask Help and Learn from Others. Sa dinami-daming characters at items, hindi mo pa rin masasabing alam mo na ang lahat kahit gaano ka kagaling. Huwag matakot magtanong sa mga kaibigan o sa mga taong matagal ng naglalaro. Iwan mo muna sa bahay ninyo ang pride at makinig sa payo ng ibang manlalaro. In return, gawin din ito sa mga taong gustong matuto sa iyo. Ang saya kaya ng usapang DOTA pag joke time lang ang yabang.

mineski_teamrave

3. Map Control and Awareness. Aralin ang mapa at maging aware sa iyong posisyon sa lahat ng oras. Palaging maglagay ng observer wards sa rune spots o sa mga lugar na sa tingin mo ay makakakuha kayo ng sapat na vision upang makaiwas sa pag gank ng kalaban. Isa rin ang tip na ito sa makakapagpanalo sa inyo sa laro.

 mapcontrol in DOTA

4. Watch Professional Games. Kumuha ng inspirasyon hindi lang sa crush mong DOTA player kundi sa panonood ng mga replays/live games ng mga professional players. Tingnan mabuti kung ano ang style at moves nila para manalo. Subukan itong i-apply sa sarili mong laro. I-replay din ang sarili mong matches at i-check kung saan ka nagkulang o nagkamali.

dota 2 game 

5. Show Respect and Stay Calm. Be humble at down to earth sa tuwing sasalang sa match. Maging responsable at makitungo nang maayos sa ibang player mapa-kakampi man o kalaban. Iwas-iwasan ang trash talking dahil bukod sa maingay na at nakakasira ng focus, baka blood pressure mo lang ang tumaas at hindi ang score ninyo sa laban. Huwag ding magbintang ng kakampi, sa halip ay turuan ito para mas gumanda ang laro ng team ninyo.

 trashtalk_DOTA

6. Practice. Practice. Practice. Ito na yata ang pinaka-overused na tip na applicable kahit saan pero aminin ninyo, ito rin naman ang pinakamadali. Subukang maglaro nang hanggang 5 matches tuwing practice day para ma-preserve ang consistency ng iyong laro.Makakatulong nang malaki ang pag-master ng “last hit” at pag “deny” upang makalevel-up nang mabilis. Alamin din ang tamang pag kunsumo ng iyong mana, range ng iyong spells at huwag matakot mag-ekspiremento ng mga bagong item build at magbasa ng mga guidelines para pagdating ng totoong labanan ay ready na ready ka na!

dota items

7. Don’t Give Up! Ito ang kakambal ng tip #6, huwag kang susuko kung gusto mo talagang maging magaling. Puwedeng malungkot ng ilang oras kapag natatalo sa mga match, pero huwag mo ng paabutin pa ng days and weeks ang pagmumukmok. Lahat ng professional players, naging beginners muna. Walang shortcut sa greatness! Subok lang uli pagkatapos matalo. Ika nga ng kasabihan, “Don’t expect to win if you don’t know how to lose!”

DOTALOSER

Kung mayroon kayong naiisip na lis7ahan at nais maging miyembro ng Listavengers, mag-e-mail sa team.bamaquino@senado.ph!

7 Dahilan Kung Bakit Ka Laging Na F-Friendzone

By Lis7avengers

 

Ngayong palapit na ang Filipino-American Friendship Day, alalahanin natin ang pitong dahilan bakit hindi natutuloy sa mabungang pagmamahalan ang iyong mga da moves at nananatili ka sa friend zone!

 

1. Ang labo mo kasi, pre! Baka naman hindi malinaw sa type mo na type mo nga siya talaga. Mahirap kasing mag-assume! Mas mabuti na i-clarify ang iyong balak. Lakasan ang loob at magbigay ng single, meaningful rose o di kaya i-harana mo siya in private. At the very least, sabihan mo siya ng “I really really really really really really like you,” kahit sa text lang. Mag-isip na ng creative na da moves para ipakita at sabihing gusto mo siya!

ireallylikeyou

2. Masyado kang ma… ba… gal. Maraming naghihintay ng “perfect timing” o ng lakas ng loob bago ibahagi ang nilalaman ng puso. Marami na ring naunahan ng ibang Casanova o napagsawaan ng pinapahintay niyang crush. Don’t wait too long! Life is short. Kung hindi ka aamin ngayon, kailan pa? Ika nga ni Jordan, JUST. DO. IT.

ligaw

3. Puro na lang group HOHOL. Uso pa ba ang torpe ngayon?! ‘Wag naman laging group date! Ok lang iyon kung sa simula ngunit para alam niya na siya’y natatangi sa iyong puso, yayain siya sa one-on-one HOHOL. Pag-successful, yayain mo na mag… date!

torpe 

4. Masyado ka yatang mabait… sa lahat. Mahalaga na alam niyang special siya sa iyo. Kung mabait (o malandi) ka sa kaniya pero mabait (o malandi) ka rin naman sa iba, hindi na ‘yan aasa at maghahanap na ng iba. Hindi ba’t, we all want to feel special?

bobongquote

5. Hindi ka nagpapa-miss. Hindi porke’t may unlimited text ka ay itotodo mo na ang pangungulit sa crush mo. Nakaka turn-off rin ang umaapaw na messages, lalo na kung wala naman siyang oras mag-reply. Magparamdam ka paminsan-minsan at kung madalas ang reply niya sa iyo, ay doon ka na makipag-converse. Kung hindi, baka i-block ka lang ni future-beh.

waitingforyourtext

6. Takot ka sa “touch barrier.” Isa sa kaibahan ng pagiging friends at more-than-friends ay ang touch barrier. Dapat respetuhin ang personal space ng iyong tinitipuhan, pero kung may opening naman ay subukan mong i-holding-hands! Simulan ‘in private.’ Kung unahin mo in public, baka mapahiya ka lang sa harap ng mga tao. LOL.

 breezymoves

7. Hindi ka niya type. Masakit man tanggapin, minsan, hindi lang tayo ang type ng ating type. Ok lang iyan! Ganoon talaga. At least alam mo na. Huwag ka na mag-aaksaya ng panahon at pera. ‘Wag na rin mag-aksaya ng luha! Sabayan na lang si Beyonce, “To the left! To the left!”

bakit hindi ka crush ng crush mo

Na-friend zone ka na din ba? Kung oo, for sure nakarelate ka sa Lis7ahan na ito. I-share mo na rin sa amin ang mga experiences mo, at maging contributor sa next na friendzone Lis7ahan ng Lis7avengers! Mag-e-mail sa team.bamaquino@senado.ph!

7 Tips Kung Paano Kumita Online

Ilang oras sa isang araw ang nilalaan mo para mag-stalk sa Facebook, magpa-cute sa Twitter, at magpost ng mga #selfie at #ootd sa Instagram? Alalahanin: Time is money. Explore mo na rin ang mga iba’t ibang paraan upang kumita ng extra online!

 By: ListAvengers

1. Magturo at Magtutor. Kung may sapat na kakayahan o kaalaman sa mga napapanahong paksa, bakit hindi mo subukang magturo online? In demand din ngayon ang mga online English teachers at tutors. Magtraining at magtutor kahit ilang oras lang kada linggo at, tulad sa pelikulang English Only Please, baka mahanap mo pa ang Derek Ramsay ng buhay mo!

BONUS: Maaaring bisitahin ang RareJob Home-based English Online Tutorial para sa possible online teaching career.

 englishonlyplease

2. Magmanage ng social media accounts. Isa sa mga nagiging trend ngayon ay ang paggawa ng mga kumpanya ng sariling FB page, Twitter at Instagram accounts. Paraan nila ito para icommunicate ang mga messages, announcements, promos o mga updates. Sa halip na i-check bawa’t minuto kung ilan na ang nag-like ng post mong mega drama o i-stalk ang ex mo, magmanage ka na lang ng mga social media accounts ng iba – brand man o celebrity!

socialmediamanager

3. Maging blogger. Ang hobby na ito ay puwede maging source ng income! Magsulat ng mga makatotohanang karanasan, magbigay ng travel tips, magreview ng mga pagkain o damit, o di kaya ay magdocument ng mga kaganapan sa inyong lugar. Ilan lamang iyan sa mga puwedeng laman ng iyong blog. Sumali rin sa mga blogger groups tulad ng Nuffnang Philippines upang makakuha ng tips, makilala ang iba pang mga bloggers, at makakuha ng advertisers para kumita!

 filipinobloggers

4. Magfreelance. Sino ba ang hindi ma-eengganyong kumita ng extra?  Bukod sa iyong official na trabaho, puwede mong gamitin ang iyong mga skills para rumaket online. Bisitahin ang website na E-lance o di kaya naman Odesk, at magbrowse ng mga online jobs na pasok sa kakayahan o schedule mo. Ang maganda rito ay ikaw ang sarili mong boss at may kontrol sa oras mo. Siguraduhan lang na huwag gawin ang raket during office time at matatapos mo ang lahat ng commitment na makuha mo!

BONUS: The 15 Best Freelance Website To Find Jobs

freelancejobs

5. Magdevelop. Hindi lang feelings ang puwedeng madevelop, pati website! Imbis na gumastos sa panliligaw, kumita ka na lang bilang isang developer na taga-design o taga-maintain ng website. Kung wala pang programming skills, nag-ooffer ang TESDA ng vocational course para dito. Go! Go! Go!

webprogrammer

6. Maglaro. Marami ang naa-adik sa mga online games gaya ng Clash of Clans o DOTA. Sa computer shop man o sa sariling bahay, marami ang naglalaan ng oras para makapaglaro ng mga ito.  Gamitin ang oras sa paglalaro para magpakadalubhasa at sumali sa mga e-sports competitions. Ilan sa mga competition na ito ay nag-ooffer ng mga premyong pera na puwedeng ipunin at gamitin pang-tuition o panggastos sa mga bayarin sa bahay. Gawing inpirasyon ang TeamRave na kilala na sa buong mundo.

esports

7. Magbenta. Simulan na ang matagal-tagal mo ng inaasam na negosyo. Magsimula sa maliit lang muna. Para walang gastos sa renta at tao, magbenta na lamang online gamit ang iba’t ibang platform. Puwedeng simulan muna sa Facebook kung wala pang sapat na puhunan para sa website. Magbenta ng mga kung anu-anong items tulad ng damit, pagkain, gamit sa bahay o gadget, siguraduhin lang na may market ang ibebenta mong mga produkto. Marami na ring mga Pilipino ang umangat ang estado ng buhay dahil sa pagbebenta online. 

BONUS: Bukod sa Facebook, maaaring magbenta ng inyong mga produkto sa OLX o Ebay.ph

onlineselling

Kung mayroon kayong naiisip na lis7ahan at nais maging miyembro ng Listavengers, mag-e-mail sa team.bamaquino@senado.ph!

7 Things that We Should be Proud of as Filipinos (but probably didn’t know)

Ngayong Araw ng Kalayaan, masarap ipagmalaki ang pagiging Pinoy natin. Bukod sa mga napakagandang mga isla at walang katulad na Filipino hospitality, may ilan pang mga bagay na proudly Filipino!

 By ListAvengers

1. Husay Pinoy. Maraming mga Pilipino ang nagpapakitang-gilas sa industriya ng arts, design at business. Pinoy ang ilan sa mga pinagkakatiwalaang designers at game developers, hindi lang dito sa Pilipinas kundi sa buong mundo. Oh ‘di ba, hindi lang tayo sikat sa computer games, tayo pa ang gumagawa ng games. 

Sa business naman, kinikilala din sa buong mundo ang mga social entrepreneurs ng Pilipinas tulad na lang ni 2015 Forbes 30 Under 30 Reese Fernandez-Ruiz ng Rags2Riches.

Sa larangan naman ng pelikula, nakapasok muli kamakailan sa prestihiyosong Cannes Film Festival ang pelikula ng batikang direktor na si Brillante Mendoza na minsan ng nagwagi bilang kauna-unahan at tanging Pinoy na Best Director award sa nasabing film festival.

brillantemendoza

2. Produktong Pinoy. Ang Philippine cocoa ang isa sa mga pinagkakatiwalaang source para sa paggawa ng chocolate ng ilang mga dayuhang kumpanya. Isang patunay na ang cocoa ng Pilipinas ay world class, ang Malagos 100% Premium Unsweetened Chocolate ay nakakuha ng bronze award sa Academy of Chocolate Awards sa London ngayong taon.

Ang Pilipinas din ang tinaguriang largest producer ng coconut sa buong mundo. Talagang nakaka-proud ang produkto ng Pinas!

 malagoschocolate

3. Buhay Pinoy. Isa ang Pilipinas sa may pinakamalaking growth sa ASEAN sa aspeto ng ekonomiya, dahil na rin siguro sa mga Pilipinong patuloy na nagnanais maka-angat sa buhay. Magaling makisama, natural na matulungin at maasikaso sa kapwa, ilan lamang iyan sa mga katangian na palaging inuugnay sa mga Pilipino.

Pansinin na lang ang mga Filipino community sa ibang bansa, hindi magkakakilala pero nagsasama-sama. Ang Pilipinas din ang isa sa may pinakamataas na gender equality index ayon sa World Economic Forum Report.

 Kaya naman isa sa mga probinsya sa Pilipinas ang napabilang sa listahan ng Forbes Top 10 Best Places to Retire in the World. Dumaguete ang nakakuha ng no. 5 na slot.  

dumaguete

4. Sayang Pinoy. Napansin ninyo na ba ang nagkalat na mga hugot na meme sa social media? Eh ang mga viral video ng mga nakakatawang dubsmash o trending dance craze? Kahit maliit na bagay ay kayang pagmulan ng kasiyahan basta may Pilipino sa usapan.

Ang mga Pinoy ay natural na masayahin, kayang ngitian ang anumang problemang pinagdadaanan. At dahil diyan, ang Pilipinas ay nakakuha ng mataas na happiness index ayon sa pag-aaral ng Gallup’s Positive Experience Index. Ngayong 2015 ay nasa rank 5 ang Pilipinas sa pinakamasayang bansa sa buong mundo!

happiestcountries 

5. Biyaheng Pinoy. Ang Pilipinas ay binubuo ng mga isla kaya kahit saang sulok ka magpunta ay may magandang beach o view na puwedeng ma-enjoy. Sikat ang Pilipinas bilang isa sa mga destinasyon sa Asya na talagang dinarayo para sa magagandang tanawin o unique experience.

Pero bukod dito, isa sa mga pwede natin ipagmalaki ang naimbentong Aurelio supercar ng isang grupo ng kabataan sa San Pedro, Laguna. Hindi man ito kasing level ng Ferrari pero kung naiisin mong mag-road trip sa magagandang isla sa bansa, mas may dating kung ito ang kotseng iyong dadalhin.

aureliosupercar

6. Puwersang Pinoy. Sino ba ang makakalimot sa EDSA People Power Revolution noong 1986? Isa ito sa pinaka-influetial na pangyayari sa ating kasaysayan. Dito nagsama-sama ang mga Pilipino para sa iisang layunin, ang makamit ang demokrasya sa Pilipinas.

 Ang puwersang Pinoy ay ‘di lang nagtapos noong 1986. Ilang people power ang sumunod dito at kahit sa modernong panahon ngayon, palagi pa rin nating ipinapakita ang spirit ng peaceful revolution.

Isa sa magandang halimbawa ang pagsasama-sama ng mga kabataang Pinoy sa panahon ng kalamidad o kahit sa simpleng pagtulong sa bayan. Hindi man ito bagong konsepto pero isa ito sa palagi natin dapat alalahanin na talagang nakaka-proud as Pinoy!

 EDSA

7. Labang Pinoy. Bahagi na ng buhay ng isang Pinoy ang sports. Sino ba naman ang hindi nakakilala kay Manny Pacquiao na kayang pagka-isahin ang buong Pilipinas tuwing sasampa sa ring?

Pero hindi lang siya ang atleta na dapat nating kilalanin. Maraming Pinoy ang nag-eexcel sa iba’t ibang sports competition. Sa SEA games na lang na kasalukuyang ginaganap sa Singapore, ilan na sa mga hindi ganoong kakilalang atleta ang nakakuha na ng ginto!

seagames2015

Kung mayroon kayong naiisip na lis7ahan at nais maging miyembro ng Listavengers, mag-e-mail sa team.bamaquino@senado.ph!

7 Tips Para Maka-Survive sa College

Handa ka na ba sa bagong school year ng mga projects, recitations, group work, mahahabang exam at thesis?  Ang sabi ng ilan, ang college life ang pinaka the best.  Ito ang pitong tips para maitawid ang kolehiyo at maging memorable itong taong ito!

By: ListAvengers 

1. Time and Money Matters. Huwag masyadong magwaldas ng pera. Hindi porke’t pinapabaunan ka ay uubusin na ito sa kung anu-ano lang. Magtipid at mag-ipon para hindi nganga kapag bakasyon. Tuwing lunch ay mag-siomai rice na lang.  O ‘di kaya naman ay maglakad papuntang campus, pero siguraduhin lang na hindi ka male-late. Kung medyo hirap naman sa pagbayad ng tuition, puwede ring umextra pa-minsan sa mga part time na trabaho katulad na lang ng student assistant o tutor. Hindi ka lang wise sa eskuwela, wise ka pa sa pera.

englishonlyplease

2. Know the people in your neighborhood. Magmasid-masid sa paligid at makipagkaibigan sa mga taong madalas mong makahalubilo. Bukod sa classmates mo, kausapin din ang Xerox lady sa inyong building. Mag-hi at ngitian si manong guard sa tuwing papasok ka, kumustahin ang mga nagbebenta sa canteen bago umorder ng pagkain, o kilalanin ang mga nasa admin, registrar at pati sa guidance office. Magandang paraan ito para ma-feel mo na parang second home mo ang university ninyo. 

UPSecurityGuard

3. Find your clique. Dumikit sa mga tamang tao o grupo. Pumili at humanap ng mga true friends na puwede mong makaramay sa lungkot at saya. Umiwas sa mga taong nanakit, mga gang at mga underground na organisasyon sa campus, at huwag na huwag i-unleash ang iyong bad side sa pagiging bully. Para less pressure, puwede mo rin namang hanapin ang iyong passion, at bumuo ng sarili mong cool crowd. Tandaan lang na maging inclusive o bukas sa lahat. The more friends, the happier!

First Day High

4. Face your Fears. Makipag-unahang umupo sa unang row sa loob ng mga classroom, plus factor din kung sa harap pa mismo ng teacher ninyo. Medyo nakakatakot ang move na ito pero sabi nga sa kasabihan, face (literal) your fears. Bakit? Kasi magmumukha kang confident at maraming alam sa klase. Madalas din matawag sa recitation ang mga tao sa likuran ng classroom. Tandaan lang na iwasang ma-inlab kay Sir at Ma’am kahit nasisilayan mo sila nang malapitan.

 teacherspetmeme

5. Find your sweet spot. Mag-ikot-ikot sa campus at sa mga kalapit na establishments, aralin ang bawat sulok nito. Humanap ng mga lugar na sa tingin mong makakatulong sa iyo na masagot ang pinakamahirap na math problem o mga feelings na bumabagabag sa iyo. Mas mainam kung ang mapili mong tambayan ay few inches away lang sa mga crush ng bayan.

 USTloverslane

6. Be a Bibo Kid. Sumali sa mga extra curricular activities, mag-volunter sa mga outreach programs o ipakita ang mga talentong matagal mo nang tinatago sa baul. Kung may sapat kang confidence, puwede rin namang tumakbo sa student council. Maraming benepisyo ang pagiging bahagi ng mga student organizations, hindi lang life long friends and experiences ang makukuha mo, gaganda pa ang resume mo kapag nag-apply ka na ng trabaho.

UPPepSquad

7. Study Hard, Party After. Syempre wala ng mas hihigit pa sa pag-aaral nang mabuti para ma-survive mo (literally) ang college life. Huwag na huwag kalimutang kahit anong mangyari, isa kang estudyante at ang ultimate goal mo ay ang matapos ang degree mo. Huwag mahiyang magsingit nang kaunting oras para sa “good time.” Magsingit ng konting gimik, party, o pag-ibig, alamin mo lang ang iyong tamang limit! Study hard, party after.

DLSURaveParty

Kung mayroon kayong naiisip na lis7ahan at nais maging miyembro ng Listavengers, mag-e-mail sa team.bamaquino@senado.ph!

NBA Finals 2015 Lis7ahan Special Edition

 

 

NBA Finals na! May pambatong team ka na ba? Kung wala pa, ito ang ilan sa mga tingin namin sagot kung bakit mag-cha-champion ang… 

 

By ListAvengers

 

Cleveland Cavaliers

1. Mayroon silang “King.” – Haters gonna hate pero si Lebron James lang naman ang pinakamagaling na basketball player sa mundo ngayon! Ang 4-time MVP na pride ng Cleveland ay 25.3 points per game ang average at 7.4 assists. Siguradong matatakot ang sinumang babangga!

LebronJames

2. Finals? Been there done that! – Kung championship experience lang ang pag-uusapan, lamang ang Cavs dyan. Mayroong mga players ng Cleveland ang nakatuntong na sa NBA finals. May papalag ba sa kasabihang “Experience is the best teacher?”

 Cleveland Cavaliers

3. Powerful ang #Hugot. – Hindi lang kay King James makaka-asa ang Cleveland, pati sa kanilang mga role players. Anumang oras humugot si Coach Blatt ng manlalaro, siguradong masisiyahan ang ating mga puso.

cavaliers_bench

4. Sabik Dahil Nagbalik. – Umaasa ang Cleveland na ang tinaguriang “prodigal son” ay dadalhin sila sa Promised Land. Kinaya ni Lebron James na bigyan ng kampeonato ang Miami noon kaya ng magbalik siya sa Cavs, sila naman ang sabik na manalo ngayon.

lebronjamesbacktocavalier

5. Na-Slash ang Splash Brothers – Malakas ang ugong na hindi makakalaro si Thompson sa Game 1 ng Finals dahil sa concussion nang ma-tuhod ni Rockets forward Trevor Ariza sa Game 5 ng Western Conference Finals. Mahigpit pa naman ang rules ng NBA, hindi pwedeng ipilit kung hindi pa fit.

klaythompson

6. David Blatt is DB (Destined for Better). – Bago pumasok sa NBA si Blatt, nagchampion ang kanyang mga team sa Europa. Sa una ay inofferan sya bilang assistant coach ng Golden State pero mukhang mas tinadhana sya sa mas magandang pagkakataong magchampion. Napili syang maging head coach ng Cleveland at sa unang sabak pa lang sa NBA, tinawid lang naman niya ang road to finals na parang walang hirap.

davidblatt

7. Gutom sa Panalo.– Hindi pa nakakatikim ng kampeonato EVER ang Cavs sa NBA kaya di lang sila gutom, they are starving for the win. Tandaan, walang sinasanto ang taong gutom.

CavalierTeam

Golden State Warriors

1. Nasa kanila ang present “MVP”. – Paniguradong si Steph Curry ang magdadala ng laro ng Golden State Warriors sa Finals. Ang average niya ay 23.8 points, 7.7 assists at 4.3 rebound per game. Kailangan lang ng dobleng ingat sa pagiging agresibo, baka maulit ang pagkahulog.

Stephen Curry

2. Sagana sa 3 point area. – Ngayong season, tumataginting na 38 percent ang accuracy ng Golden State sa pagdating sa three-point shot. Ito ang magiging mabisa nilang sandata nila laban sa Cavaliers. Malapit, malayo, kapag tinira ang bola, madalas asintado talaga.

klaythompson_3points

3. Di nagwawagi ang nang-iiwan – Naalala nyo pa ba ang “The Decision” ni James noong 2010? Iniwan nya ang Cavs para sumama sa powerhouse squad na Miami Heat. Sariwa pa rin ito sa karamihan ng LeBron haters kaya dasal nila na hindi magkampeon si James sa Cavs.

lebronjames_miami

4. Green Defense. – Mabisa ring sandata ng Warriors ang power forward na si Draymond Green, na napasama sa All-Defense first team ng NBA ngayong taon. Muntik pa siyang tanghalin na Defensive Player of the Year. Alalahanin natin na di lang nakakasalalay sa puntos ang panalo, sa galing ng depensa rin.

Draymond Green

5. Walang “Love” sa Cavs – Malaking kawalan ang 16.5 pts at 9.7 rebounds per game ni Kevin Love para sa Cleveland dahil sa injury. Malamang ay sasamantalahin ng Warriors ang sitwasyong ito.


kevinlove

6. Less “Boos,” More “Boost.” – Tinapos ng Golden State ang regular season na may league-best 67-15 record para makuha ang top seed at homecourt advantage sa kabuuan ng playoffs. Dahil sa homecourt sila maglalaro, paniguradong mabo-boost ang confidence nila at mahihiya ang sinuman sa audience na sisigaw ng “Boo” tuwing makakapuntos.

goldenstate

7. Ring? NoWADE! – Hindi pa nakakakuha ng championship ring si LeBron nang hindi kasama si Dwayne Wade. Maaaring may bagong backcourt partner na si James ngayon, si Kyrie Irving, pero iba pa rin ang James-Wade tandem.

 jamesdwaynetandem

 

 

Kung mayroon kayong naiisip na lis7ahan at nais maging miyembro ng Listavengers, mag-e-mail sa team.bamaquino@senado.ph!

 

 

 

 

 

 

 

 

7 Tips Para Makakuha ng Kapital Para Sa Pinapangarap Na Negosyo

listahan

By ListAvengers

 

Marami sa ating mga Pilipino ang may pangarap na makapagnegosyo. Kaya lang, mahirap ding makakuha ng kapital para makapag-umpisa.  Narito ang ilang tips para makahanap ng puhunan. Negosyo, now na!

1. Mangutang. Lapitan ang inyong mga BFF, kapalan ang mukha at mag promise na babayaran mo siya with interest. Siguraduhin lang na magbayad nang tama sa oras para hindi ma-FO (Friendship Over).

Pwede ring lumapit kina Mama at Papa. Magdrama at magparinig na nais mong magtayo ng negosyong swak na swak pero kulang ang pera sabay buntong-hininga. Siguraduhing naririnig ka nila habang nag momonologue at magbayad para makaulit.  Huwag lang masyadong atat na kunin ang mana.

keepcalm

 

2. Makipagpartner. Para hindi lang ikaw ang papasan ng problema, humanap ng karamay sa negosyo. Kung may mga kamag-anak o malapit na kaibigan na OFW, i-message at i-impress sila sa iyong business proposal. Gumawa ng powerpoint presentation, kumanta, o umiyak para ma-eengganyo silang mag-invest at makipagpartner sa iyo!

OFW

 

 

3. Mag-ipon. Gutumin ang sarili. Kung apat na beses kumakain sa isang araw, gawin na lang dalawa para may maipon. Mag 3 in 1 na kape na lang imbis na frappucino.  Mag-order ng 1 rice imbis na 2.  Maglakad mula Taft hanggang Santolan imbis na mag-MRT. Nakaipon ka na, nakapag-diet ka pa. Kung hindi mo naman kaya, ibenta ang mga gamit na hindi mo na napapakinabangan. Nagkapera ka na, nabawasan pa ang kalat sa iyong kwarto. Huwag mo lang ibenta ang atay mo.

savings

 

 

4. Makipagsapalaran sa mga pacontest ng barangay. Tamang-tama, Mayo ngayon at patok ang mga amateur singing contests, dance contests at mga pa-liga sa barangay. Kung hindi palarin sa sariling lugar, dumayo sa ibang barangay para more chances of winning. Kung may beauty ka namang pang rampa, pwede ring patulan ang mga Santacruzan at beauty contests, siguraduhin lang na mas malaki ang premyong matatanggap kaysa sa pinambayad sa gown na isusuot.

amateursingingcontest

 

 

5.Tumaya sa Lotto. Libre ang mangarap kaya tumaya nang tumaya sa lotto. Malay mo suwertehin ka at lumabas ang numerong inaalagaan mo. Yun nga lang, 1 in 30 million ang chances of winning sa lotto, mas mahirap pa sa chance mong magaka-boyfriend or girlfriend, kaya kailangan ng matinding pasensya at dasal.

lotto

 

 

6. Mag-Loan.  Kung may pang kolateral, maaaring umutang sa bangko. Gawing kolateral ang anumang ari-arian, huwag lang ang ari-arian ng ibang tao, baka ma-asunto.

landbankloan

 

 

7. Lumapit sa isang Microfinance Institution. Kung wala ka namang pang kolateral, tamang-tama ang mga microfinance institutions dahil mas mababa ang kanilang interes kaysa sa 5-6. Bisitahin ang www.microfinancecouncil.org, mag-e-mail sa mcpi.ph@gmail.com o tumawag sa (02) 6316184 upang malaman ang pinakamalapit na MCPI sa lugar ninyo. Mahirap nang maligaw kaya maniguro.

Kasagana Microfinance

 

 

Kung mayroon kayong naiisip na lis7ahan at nais maging miyembro ng Listavengers, mag-e-mail sa team.bamaquino@senado.ph!

 

 

 

7 Things To Do Para Maka-Move On sa Pagkatalo ni Pacman

Lis7ahan Logo

By Listavengers

 

Hindi mo pa rin ba tanggap na natalo ang ating People’s Champ? Ito ang pitong suhestyon para maka-move on sa depression!

1. DENIAL. Ilista mo na lahat ng dahilan kung bakit dapat si Pacman ang nanalo! I-search sa social media ang lahat ng posts na may hashtag na #MayPac at doon maglabas ng hinanakit. Makipag-debate sa mga nakakaasar na Mayweather fans. #BitterOcampo

maypactweets

2. ISOLATION. Magkulong sa videoke at ilabas sa kantahan ang sakit ng loob. Save the best Pacman song for the last…Para sa’yo ang laban na ‘to!

xtrememagicsingpacquiao

 

3. ANGER. Mag-print ng mga mukha ni Mayweather at idikit sa punching bag. Um-all-out na sa boxing gym at ilabas ang galit kay Floyd!

mayweatherspeedball

4. BARGAINING. Gumawa ng online petition para sa rematch.  In fact, you can click HERE to sign the ongoing petition for Mayweather vs Manny Pacquiao rematch.

PacquiaoandMayweather rematch

5. DEPRESSION. Umiyak. Group hug, guys.

vice ganda onpacquiao's loss to may weather

                               Click PHOTO to WATCH the VIDEO

6. HUMOR. I-share lahat ng nakakatawang meme ni Mayweather! O di kaya ilabas ang true creative and funny self at gumawa ng sariling viral sensation na makakatulong din sa ibang bitter Pacman fans.

mayweathervsManny

7.  ACCEPTANCE. Ang dami na ring napatunayan ni Pacman at humahanga na sa kaniya ang buong mundo. We’re proud of you, Maneeeeee!

we'reproudofyoumanny 

Kung mayroon kayong naiisip na lis7ahan at nais maging miyembro ng Listavengers, mag-e-mail sa team.bamaquino@senado.ph!

7 Things To Do #WhenYoureBoredOverSummer

 

 

By Listavengers

 

Bored ka ba? Ito ang pitong suhestiyon para maalis ang boredom mo at maging productive ang iyong summer!

 


1. Mag-swimming. Sa init ng panahon, masarap magbabad sa dagat. Kung walang pera o oras mag-outing, magtampisaw na lang sa inflatable pool, batya o sa drum!

swimmingsabatya

 

 

2. Magpaka-sporty. Bago i-showcase ang katawan sa LaBoracay, bumisita sa boxing gym, jumoin sa volleyball league, subukang mag-Zumba, o makiuso sa mga exercise videos para ma-achieve ang inaasam na yummy body.

zumba

 

3. Mag-aral magluto. Mag-ala Chef Boy Logro ngayong summer at pagbutihin ang cooking skills. Ipatikim sa mga kaibigan at pamilya o di kaya magpasikat sa iyong crush! Ika nga nila, the best way to anybody’s heart is through his/her stomach.

chefphoto

 

 

4. Maging next Youtube Sensation o Online Hit gaya nina Mikey Bustos at Bogart The Explorer! Sumakay sa uso na dubsmash o kaya, maglaro ng DOTA habang walang pasok sa eskuwela. Mag-DOTA till the break of dawn, malay mo, maging next member ka ng #TeamRave. Huwag ka lang pa-offload.

bogarttheexplorer

 

5. Mag-emote ng wagas! Magbasa ng libro habang nasa coffee shop para magmukhang studious. Gumawa ng tula tungkol sa traffic sa EDSA o di kaya’y mag-blog tungkol sa iyong sawing pag-ibig. Baka maging viral pa ang iyong susulatin at gawin pa itong novela ng Precious Hearts Romance.

emote

 

6. Magpakitang gilas sa pagvovolunteer for a good cause.  Isama ang mga barkada o gawing date ang paglilinis ng classroom sa Brigada Eskuwela o pagtatayo ng mga bahay sa GK Bayani Challenge. Nakapagpa-cute ka na, nakatulong ka pa.

volunteer

 

 

7. Mag-move on at mag-let go…ng mga lumang gamit sa bahay.  Ang mga gadget na di na nilalaro at mga t-shirt na di kasya, ibenta mo na sa OLX.  Baka ito na ang simula ng hinihintay mong suwerte sa negosyo. Huwag lang ibebenta ang gamit na hindi sa iyo.

OLX

 

Kung mayroon kang naiisip na Lis7ahan at nais maging miyembro ng ListAvengers, mag-email sa team.bamaquino@senado.ph!

 

 

Scroll to top