SONA

Sen. Bam: President should address high prices, support TRAIN suspension during SONA

With the country’s inflation rate breaching the 5-percent mark in June, Senator Bam Aquino is hoping President Duterte would announce the suspension of the Tax Reform for Acceleration and Inclusion (TRAIN) Law in his State of the Nation Address (SONA).

“Hindi na makatarungan ang pagpataw ng excise tax sa petrolyo habang pataas ng pataas ang presyo nito sa merkado. Nalulunod na ang taumbayan sa pagtaas ng presyo ng bilihin,” said Sen. Bam.

The Philippine Statistics Authority (PSA) announced on Thursday that inflation rate reached 5.2 percent in June, the fastest level in at least five years.

On Tuesday, oil companies raised their pump prices by P0.65 per liter for gasoline, P0.55 for diesel and P0.70 for kerosene. Starting this month, the electric bill of Manila Electric Company consumers will reflect a higher generation charge due to tight power supply and the further weakening of the peso.

 “Ito ang numero unong alalahanin ng mga pamilya kaya sana talakayin ito ng Pangulo sa kanyang SONA. Tugunan natin ang pangangailangan ng Pilipino. I-roll-back at suspindihin na ang excise tax ng TRAIN,” added Sen. Bam, one of four senators who voted against the ratification of the TRAIN Law.

During his dialogue with different sectors, Sen. Bam said he has received many grumblings about the high prices of goods and services and the lack of necessary support from the government.

Sen. Bam insisted that the suspension and rollback of the excise tax on fuel under the TRAIN Law should provide welcome relief for Filipinos who are burdened by high prices of goods and services.

“Sana marinig ng Pangulo ang hinaing ng taumbayan,” said Sen. Bam.

Sen. Bam has submitted a bill seeking to suspend and roll back the excise tax on fuel under the TRAIN Law once average inflation rate surpasses the annual inflation target over a three-month period.  

Also, Sen. Bam is pushing for the full implementation of mitigating measures under the TRAIN Law, such as the unconditional cash transfer program for poor families and the Pantawid Pasada for jeepney operators and drivers.

BIDA KA!: Unang SONA

Mga bida, noong Lunes napakinggan natin ang kauna-unahang State of the Nation Address (SONA) ni Pangulong Rody Duterte, 26 na araw matapos maupo bilang ika-16 na pinuno ng bansa.

Isa’t kalahating oras ang haba ng talumpati ni Pangulong Duterte, na sumentro sa iba’t ibang isyung mahalaga sa bansa at inaantaba­yanan ng taumbayan.

Mula sa iligal na droga, pagnenegosyo, kalikasan, katiwalian, mabilis na serbisyo sa pamahalaan, isyu sa China, problema sa Internet, kapayapaan at kagutuman, natalakay ni Pangulong Duterte sa kanyang SONA.

Malinaw ring nailatag ng Pangulo ang mga direktiba sa mga ahensiya ng pamahalaan at ang direksiyon ng mga plano na nangangailangan ng tulong ng mga mambabatas.

Kasama rito ang pagbuo ng isang pederal na sistema ng pamahalaan at pagbababa ng buwis ng mamamayan.

***

Sinabayan ng Pangulong Duterte ang talumpati ng kanyang trademark na mga biro at punchline na nagbigay-tuwa sa mga mambabatas at iba pang mga panauhin na nagtipon sa plenaryo ng Kamara.

Sa kabila ng mga birong ito, ramdam natin na seryoso si Pangulong Duterte sa kanyang mga binitiwang kataga, lalo na nang ikuwento niya ang mga taong natutulog sa kalsada habang naghihintay na magbukas ang ahensiya ng gobyerno na nasa isang mall.

Maaalala ang speech ng Pangulo sa pagbabahagi niya ng personal na karanasan at ‘di pagsunod sa script na nasa teleprompter.

***

Nagpapasalamat din tayo kay Pangulong Duterte sa pagbanggit niya sa ilang mga adbokasiya na isinusulong natin sa Senado.

Kabilang na rito ang pagpapabilis ng proseso sa pagkuha ng mga papeles sa pamahalaan, pagpapaganda sa serbisyo ng Internet, pagpapababa ng buwis, pagtulong sa entrepreneurs at pagpapaganda ng sistema ng edukasyon sa bansa.

Mga bida, hindi naman lingid sa inyo na isinusulong na natin ang mabilis at abot-kayang Internet sa bansa noon pang 16th Congress.

Sa direktiba ni Duterte sa bagong tatag na Department of Information and Communication Technology na bumuo ng isang National Broadband Plan, inaasahan nating gaganda ang serbisyo ng Internet sa bansa.

Marami rin tayong naipasang batas na sumusuporta sa micro, small and medium enterprises at nagtataguyod ng ease of doing business sa 16th Congress, tulad ng Philippine Competition Act, Go Negosyo Act ar Youth Entrepreneurship Act.

Ang mga batas na ito ay makatutulong sa hangarin ni Pangulong Duterte na pabilisin ang proseso ng pagnenegosyo at paigtingin pa ang serbisyo sa ating micro, small at medium enterprises, na siyang haligi ng ating ekonomiya.

Ngayong 17th Congress, naghain tayo ng 100 panukalang batas at resolusyon ukol sa iba’t ibang isyu, kabilang ang pagpapaganda ng sistema ng edukasyon at reporma sa pagbubuwis sa pamamagitan ng Personal Tax Reform at Corporate Tax Reform bills.

Ngayong malinaw na ang direksiyon na nais tahakin ng Duterte administration, tiwala tayo na maisasabatas ang mga panukalang ito, para na rin sa kapakanan ng publiko.

Nagpalit man ng liderato ang Senado, tuluy-tuloy pa rin tayo sa pagtatrabaho para sa ating mga bida.

Palagi kong sinasabi na magkakaiba man ang aming mga partido, pagbubuklurin pa rin kami ng aming pagnanais na pagsilbihan ang taumbayan.

Article first published on Abante Online

BIDA KA!: Go for the win!

Mga Bida, noong Lunes ay napakinggan at napanood natin ang ikaanim at huling State of the Nation Address (SONA) ni Pangulong Noynoy Aquino.

Tulad ng mga nauna niyang SONA, umani ng sari-saring reaksiyon mula sa publiko ang talumpati ng Pangulo. Iba’t ibang opinyon din ang lumutang sa mga pahayagan, radyo, telebisyon at maging sa social media ukol sa mga tagumpay at kakulangan ng pamahalaang ito.

Hindi natin inaalis sa mga kritiko na magsalita dahil may kalayaan at karapatan tayo sa pamamahayag ngunit nais kong bigyang pansin ang mga positibong naabot ng pamahalaang ito sa nakalipas na limang taon.

***

Hindi matatawaran ang matagumpay na kampanya ng administrasyon laban sa katiwalian sa pamahalaan. Ngayon, dahan-dahan nating ibinabalik ang kultura ng pagiging matino at mahusay ng mga opisyal at empleyado ng gobyerno.

Sa tulong ng kampanyang “tuwid na daan”, hindi lang nabawasan ang katiwalian sa gobyerno kundi pabalik na ang buong tiwala ng mga namumuhunan sa bansa.

Ngayon, buhay na buhay ang ekonomiya ng bansa. Kung dati’y napag-iiwanan tayo sa ASEAN, ngayon pumapangalawa na tayo sa Asya, sa likod ng China.

Marami ring naipatupad na reporma ang pamahalaan pagdating sa budget, edukasyon, social services at imprastruktura.

***

Mga Bida, sampung buwan na lang ang natitira sa admi­nistrasyong ito. Kumbaga sa karera, ito’y nasa homestretch na. Kumbaga sa basketball, nasa last two minutes na ang pamahalaang Aquino.

Kadalasan, sa basketball, ang koponan na mas may magandang diskarte at plano sa dulong bahagi ng laro ang nagwawagi.

Kaya umaasa tayo na sa huling bahagi ng administrasyong ito ay may maihahabol pang mga programa at proyekto para sa taumbayan, lalo na sa aspeto ng kahirapan, transportasyon at pulitika.

***

Mga Bida, alam natin na marami tayong naiisip na mga programang puwede pang mahabol bago ang 2016.

Sa ating tingin, may ilang mga bagay na maaari pang tutukan ng pamahalaan sa nalalabi nitong panahon sa Malacañang.

Una rito ay ang suporta para sa maliliit na negosyo sa pamamagitan ng lalo pang pagpapalakas sa mga Negosyo Center. Sa ngayon, 61 na ang mga Negosyo Center sa buong bansa at inaasahang papalo ito sa 100 bago matapos ang taon.

Upang lalo pang makaahon ang bayan sa kahirapan, bigyan ng dagdag na pagtutok ang sektor ng agrikultura, kabilang ang suporta sa mga magsasaka, lalo na sa aspeto ng pagpapalago ng produksyon at pag-uugnay sa mga tamang merkado.

Isa pang dapat tutukan ay ang pagpapaganda ng transport system ng bansa, gaya ng MRT, LRT at Philippine National Railways (PNR). 

Bilhin na ang mga gamit at bagon na pangmatagalan at huwag nang ipagpaliban pa ang pag-aayos ng mga nasisira para hindi maaantala ang ating mga pasahero.

Maliban dito, kailangang pagandahin o ‘di kaya’y dagdagan ang mga imprastrukturang pangtransportasyon tulad ng airport, pantalan at mga kalsada’t tulay.

Sa usaping pulitika naman, isulong na ang anti-dynasty upang maalis na ang paghawak ng kapangyarihan ng kakaun­ting pamilya at magkaroon ng bagong mukha sa pamumuno sa bansa.

Tiyakin din natin na maayos ang pagpapatupad ng senior high school ng K to 12 sa pamamagitan ng pagdaragdag ng kinakailangang classrooms at guro, patuloy na training sa mga paaralan, pagtiyak na ang bagong curriculum ay napapanahon at nararapat na pagpapaliwanag sa publiko sa bagong sistema ng ating edukasyon.

Hinihintay na lamang natin ang pirma ng Pangulo para sa Youth Entrepreneurship Act, kung saan ituturo na ang financial literacy at ang pagnenegosyo sa lahat ng lebel ng pag-aaral.

Nasa mahalagang bahagi na tayo ng laban. Mga Bida, magkaisa na tayo upang matiyak na tuluy-tuloy ang mga pagbabagong sinimulan ng ating pamahalaan. Let’s all go for the win!

 

First Published on Abante Online

 

 

BIDA KA!: SONA ni PNoy

Mga Bida, marami ang nabigla sa emosyonal na State of the Nation Address (SONA) ni Pangulong Noynoy Aquino noong Lunes.

Malayo ito sa inasahan ng karamihan, na nag-aabang ng mas palaban na pahayag mula sa Pa­ngulo tulad ng nauna niyang apat na SONA.

Sa halip, nagbuhos ang Pangulo ng kanyang nararamdaman sa araw-araw na upak na tinatanggap niya mula sa mga kritiko mula almusal hanggang sa midnight snack.

Ako mismo ay naantig at napaluha dahil ramdam ko ang saloobin ng Pangulo. Natural lang na makaramdam siya ng sama ng loob. Tao rin siya na may puso’t laman. Mayroong damdamin at marunong ding masaktan.

Sa kabila kasi ng pagsusumikap na magpatupad ng reporma at mga mahahalagang programa at proyekto, may nasasabi pa rin ang mga kritiko. Lahat ng kanyang kilos at galaw, binabantayan at binabatikos.

Maihahalintulad natin ang sitwasyon ng Pangulo sa isang estudyante na nagsusunog ng kilay sa pag-aaral, magtatapos ng may honors, ngunit sa huli, wala siyang makuhang trabaho.

Ang ating Pangulo ay katulad din ng isang Tatay na nagsusumikap sa kanyang trabaho para matustusan ang panga­ngailangan ng kanyang pamilya. Ngunit sa dulo pala, kulang pa rin ang pawis at dugong nilaan niya dahil sa laki ng gastusin.

Ganito ang kapalaran ng ating Pangulo sa unang apat na taon niya sa posisyon. Kahit ibinuhos na niya ang lahat ng panahon para sa pagpapaunlad ng bayan at buhay ng mga Pilipino, naririyan pa rin ang mga kritiko at nagpapaulan ng batikos.

Ito ang lubusan kong hinahangaan sa ating Pangulo. Matibay pa rin ang kanyang loob at determinado sa kabila ng mga tinatanggap na batikos. Dire-diretso pa rin ang kanyang hangarin na linisin ang pamahalaan at bigyan ng magandang buhay ang bawat Pilipino.

Subalit, gaya ng aking unang nabanggit, tao lang ang ating Pangulo. Hindi niya kayang pasanin ng nag-iisa ang problema ng bayan.

Kailangan niya ng tulong mula sa ating lahat para maisakatuparan ang mga pagbabago na kanyang inumpisahan.

***

Ang ipinakitang emosyon ng Pangulo sa kanyang SONA noong Lunes ay pakiusap sa taumbayan, lalo na sa kanyang mga kritiko, na isantabi muna ang pamumulitika at paghahati-hati at magkaisa tungo sa kaunlaran ng bansa.

Hindi gaya ng mga nauna niyang SONA kung saan harap-harapan niyang binatikos ang katiwalian, hindi siya nagsalita ukol sa mga kontrobersiyal na isyu gaya ng pork barrel scam.

Sa halip, ginamit niya ang pagkakataong ito upang ilatag ang mga nagawa niya para sa bayan, mula sa trabaho, imprastruktura, turismo, ekonomiya, edukasyon at sandatahang lakas.

Ngunit iginiit ng Pangulo na marami pang dapat gawin at kailangan niya ang tulong ng lahat upang ito’y marating bago matapos ang kanyang termino sa 2016.

***

Sa unang apat na taon, tinutukan ng Pangulo ang pagpapaganda ng ekonomiya ng bansa.

Ngayong itinuturing na ang Pilipinas bilang isa sa pinakamalakas na ekonomiya sa Asya, kailangan namang pagtuunan ng pansin sa huling dalawang taon kung paano maibababa ang paglagong ito sa mga karaniwang Pilipino.

Sa kasalukuyan, kailangan natin ng mga panukalang batas na magpapalakas pa ng tinatawag na inclusive growth o tunay na kaunlaran upang maramdaman ng lahat ang tinatamasang pag-unlad ng bayan.

Kamakailan lang, naipasa na ang Go Negosyo Act na magpapalakas sa tinatawag na micro, small and medium entrepreneurs at lilikha ng dagdag na trabaho at iba pang kabuhayan sa mga Pilipino.

Nakalinya na rin ang iba pang panukalang batas na inihain ng ating opisina sa Senado gaya ng Poverty Reduction through Social Entrepreneurship Bill, Youth Entrepreneurship Bill, Credit Surety Fund Bill at marami pang iba. Sana ay hindi ito mahaluan ng kulay pulitika at maipasa na sa lalong madaling panahon.

***

Ang pag-unlad ng bayan ay hindi kayang gawin nang nag-iisa ng Pangulo. Kailangan niya ang tulong ng lahat ng Pilipino upang ito’y maging ganap.

Kumbaga sa basketball, nasa fourth quarter na tayo. Hindi kaya ng isang tao na ipanalo ang laban. Kailangan ng teamwork para manalo.

Mahalaga ang bawat galaw. Isang maling kilos ay maaaring ikatalo ng koponan kaya mahalaga na nagkakaisa sa paghakbang tungo sa tagumpay.

Ngayon, hindi na mahalaga kung tayo’y kaalyado o oposisyon. Ang mahalaga sa pagkakataong ito ay isantabi ang anumang kulay pulitika at magtulungan para sa kaunlaran ng bansa.

Sabi nga ng Pangulo, “the Filipino is worth fighting for”. Samahan natin si PNoy sa labang ito!

 

First Published on Abante Online

Support P-Noy’s Push for Reforms – Sen. Bam

 

“We are in the fourth quarter. Let’s keep our eyes on the ball and not be distracted by criticisms.”

 A senator aired this call as he rallies the nation to support President Aquino’s plans, programs and reforms in his remaining 700 days in office.

 “We are in the last quarter of the game so to speak, the President needs all the support he can get. Let’s help him accomplish his mission before his term ends,” said Senator Bam Aquino.

 The senator believes that President Aquino’s State of the Nation Address (SONA) should be regarded as a call for healing and unity as his administration approaches the homestretch.

“We all know that the President is candid and he will speak his mind about issues that affect his bosses. This time, he wants everybody to set aside bickering and unite for the country’s good,” said Aquino.

 The senator also hailed the achievements laid down by the President during the SONA, especially in terms of economic growth, employment generation and poverty incidence reduction.

During the SONA, the Chief Executive mentioned the record drop in the country’s poverty incidence from 27.9 percent in the first semester of 2012 to 24.9 percent in same period of 2013, which translates to 2.5 million Filipinos currently above the poverty line.

He also cited the investment grades received by the country from three international credit rating agencies due to its continuing economic growth.

President Aquino added the government made great strides in its campaign against unemployment with the creation of 1.65 million jobs from April 2013 to April 2014.

“These figures prove that the government’s push for inclusive growth works and we need to sustain it in the coming years through the enactment of laws that will further benefit the people,” said Aquino.

As part of his contribution to the inclusive growth drive, Aquino said he would push for the passage of his measures pushing for growth of the micro, small and medium enterprises (MSMEs), such as the Poverty Reduction through Social Entrepreneurship (PRESENT) Bill, Youth Entrepreneurship Bill, Microfinance NGOs Bill, Credit Surety Fund Bill and among others.

“I expect the Senate to buckle down to work on the inclusive growth agenda for progress to be experienced by every Filipino family,” Aquino said.

 

Photo source:  PNoy Official Facebook page

 

Scroll to top